Rabu, 12 Oktober 2016

PROFESSORES HUSI ESCOLA CATÓLICA DIOCESE MALIANA TUIR FORMAÇÃO IHA SALÃO SAGRADO CORAÇÃO DE JESUS MALIANA, NE’EBE PREZIDI HUSI EKIPA DIOCESE DARWIN DURANTE LORON RUA


Professor besik atus ida (100) husi Eskola católica Diocese Maliana, Municipio Covalima, Liquiça & Bobonaro partisipa formasaun iha salão Sagrado coração de Jesus durante loron rua (Dia 4 de Outubro  - 5 Outubro 2016). Formasaun ne’e realiza husi Professores Diocese Darwin nian hamutuk 12, topiku ne’ebe sira fahe iha formasaun ne’e maka Jogo literasia, Jogo Matemátika/Numerasaun, Oinsa atu hanorin labarik le’e ho dia’k, Leadership. Jogo sira ne’e barak liu ba Professor sira ne’ebe hanorin Pré-escolar no ensino Básico. Sira fahe partisipantes ne’ebe tuir  formasaun ba grupo 4 atu aprende kona ba jogo sira ne ‘e no ekipa husi Diocese Darwin mos tama hotu iha grupo 4, atu bele fo formasaun ba partisipantes sira, sira halo rotasaun ba jogo  ne’e atu partisipantes husi formasaun ne'e bele aprende hotu. Objetivo husi formasun maka atu halo mestri hotu iha kreatividade, wainhira hanorin iha sala laran tenki uza jogos oi-oin atu anima estudante/Labarik sira,  atu bele iha vontade no kontente atu aprende ho di’ak. “aprendizazem atu liberta  labarik sira aprende duni husi halimar” dehan Professor Jefry husi Diocese Darwin iha nia diskursu.
Partisipantes sira mos sente kontente hodi aprende duni no halo tuir jogo ne’ebe mak fahe husi ekipa Diocese Darwin, maske sira kole tamba tur loron tomak maibe sira iha corazem nafatin atu aprende hotu jogo sira ne’e, maske dalaruma sira ladun akapta diak liafuan balu tamba professores sira husi Diocese Darwin koalia Lian Ingleza maibe iha tradutora nain 4 ne’ebe maka ajuda tradúz ba partisipantes sira.
Professores Diocese Darwin mos sente kontente tamba partisipantes sira iha pasiensia atu aprende jogos hirak ne’e no sira iha vontade di’ak atu bele tuir hotu  programa ne’e to’o remata.
“Obrigada barak tamba iha mestri balu ne’ebe maka dook hanesan Suai maibe sira iha corazem nafatin hodi bele tuir treinamentu ida ne’e. obrigada mos ba imi nia hamnasa midar sira ne’e, Ha'u espera wainhira imi fila husi fatin ida ne'e, bele hala'o imi nia aktividade iha sala laran hodi hanorin labarik sira, hanesan iha ne’e, ami hanorin ita bo’ot atu halimar liu husi imi nia hamnasa, liu husi imi nia esperiensia imi fahe hotu ho ami, ida ne’e mos hanesan lisaun ne’ebe ami aprende husi imi” tenik Prefessor Jefry. Ikus liu sira mos hato’o obrigado no agradese ba ekipa sira ne’ ebe maka organiza buat hotu – hotu ba formasaun durante loron rua.





















REMATA FORMASAUN IHA MOS ATIVIDADE KALAN KULTURA NE’EBE APRESENTA HUSI COLÉGIO INFANTE DE SAGRES MALIANA (COISMA) NO ESCOLA SECUNDÁRIA CATÓLICA AVE MARIA SUAI (ESCAM)
Atu hakmaan kole durante formasaun loron rua ba partisipantes, ekipa Diocese Darwin no ekipa tomak husi Fundação Sagrado Coração de Jesus Maliana (FSCJ), maka kalan ikus husi formasaun ne iha atividade ho naran kalan kultura ne’ebe partispa husi Ekipa Diocese Darwin, Partisipante husi formamasaun loron rua nian, komunidade, estudante no ekipa FSCJ. Aprezentasaun husi atividade ne’e maka hanesan Bidu Likurai, Dansa Kultura, Dansa Modernu no Diskursu husi Estudante ESCAM no Músicas husi COISMA.  Atividade ne’e iha mos liafuan badak Agradesimento husi Prezedenti Pe. Natalin “Uluk nanain Hau agrdese e obrigado barak ba ekipa Diocese Darwin,  ba professor sira, estudante husi COISMA ho ESCAM. Agradese ba ita bo’ot sira nia presence ne ‘ebe tulun tebes professor sira iha ne’e atu bele iha ideia ida dia’k no iha neon ne’ebe luan liu tan atu komprende kona ba sira nia knar.  Amo mos dehan tan katak Diocese Maliana kiik liu husi Diocese Darwin rasik tamba ne’e ho ita bo’ot sira nia prezensa iha ne’e bele tulun ami atu sai bo’ot iha futuro. Ikus liu hodi  Amo Bispo Diocese Maliana Dom Norberto do Amaral nia fatin dala ida tan hau hakarak hato’o  agradese ba Amo Bispo Diocese Darwin Bispo Eugenny no mos ba Sra. Michaela tamba sira bele haruka ita bo’ot sira mai tulun ami iha fatin ida ne’e, hato’o ami nia comprimentos no hakoak bo’ot ba amo Bispo no sra. Michaela no kolea sira iha Diocese Darwin nian.”
Reprezentante husi Ekipa Diocese Darwin nian Sr. Jefry mos hato’o lia fuan badak ba ema hotu katak sira orgulho bo’ot tebes tamba hola parte iha fatin ida ne’e “nu’udar timor oan tenki orgulho tamba imi iha kultura Ida deit, hau admira tamba imi bele rai no lori imi nia kultura ho diak to’o di’ak agora. Iha Australia ami iha kultura ne’ebe oi – oin no barak husi fatin hotu-hotu, maibe buat ne’ebe hau nota iha Darwin ne’e rasik katak imi Timor oan barak ne’ebe mak iha ne’eba sei kaer nafatin imi nia kultura iha ne’eba, tamba ne’e imi tenki orgulho sai timor oan duni”. Nia mos dehan tan katak Ida ne’e hanesan primeira vez ba sira oinsa atu troka cultura husi fatin ida ba fatin seluk. Nia agradese ba ema sira ne’ebe importante tebes ne’ebe maka realiza duni Formasaun iha loron rua hanesan Pe. Natalino ho ekipa tomak, sira ne’ebe maka ajuda translate iha loron rua nia laran, ba mestri sira ne’ebe maka prepara alunos sira atu bele apresenta iha kalan ida ne’e, orgulho bo’ot teb-tebes no previlegio tamba sira bele hare’e buat ne’ebe maka sira nunka hare iha fatin seluk tamba la iha ema ne’ebe atu organiza hanesan ne’e, entaun ne’e hanesan buat ida ne’ebe furak tebes  atu bele sira bele hare’e.
















Selasa, 11 Oktober 2016

FORMASAUN MATERIA BIOLOGIA BA PROFESSORES SIRA HUSI ESCOLA CATÓLICA HOTU IHA DIOCESE MALIANA, NE’EBE HALA’O HUSI SR. DAVID & DR.ROBERT HUSI AUSTRALIA, DURANTE LORON RUA IHA SALÃO SAGRADO CORAÇÃO DE JESUS MALIANA


Iha loron 26 de Setembro 2016 Acting Assistant Principal of Pastoral Care atMackillop College iha Canberra Sr.David Johns ho Associate Investigator of the ARC Centre of Excellence for Translational Photosynthesis at Australian National University Dr.Robert Sharwood hala’o vizita mai Fundação Sagrado Coração de Jesus Maliana atu hala’o Workshop/Formasaun Materia Biologia ba Professor Escola Catolicas Diocese Maliana iha Salão Sagrado Coração de Jesus Maliana. Objetivo husi Workshop/Formasaun ne’e maka  atu eksplora maneira- maneira hanoin ne’ebe foun kona ba siensia naturais, ideia husi programa ne hanaran prosesu husi Dezeño “Proses by Design”, katak atu halo promosaun kona ba hanoin independente, fornese treinamento kona ba Utilizasaun equipamento siensia nian no fo mos treinamento kona ba rekursu iha parte edukasaun.  Formasaun ida ne’e halao durante loron rua (27-28 de Setembro 2016) no partisipa husi professores hamutuk 26 husi escola catolica Diocese Maliana nian. Durante loron rua iha formasaun professor sira aprende kona ba prosesu Fotossintese, Sistema Respiratório, Sistema Circulatório, DNA, Oinsa atu Sukat Volume de Be, Pratika uza Microcópio atu bele hare sélula iha Miscroscópio laran. Tuir Sr.David Nia hateten katak “professor sira nia prezensa diak tebes, sira tenta atu husu saida mak ami hanorin no sira hakarak tebes atu pratica iha aspetu barak no hakarak atu envolve aan iha programa ida ne’e, sira iha idea ne’ebe maka diak, tamba ne’e hau sente ida ne’e importante tebes atu responde ba starategia hotu kona ba contesto hanorin liu husi dalan bar-barak. Nia mos hatutan tan katak buat ne’ebe importante ba mestri Timor oan sira, ne’e hanesan oportunidade ba rekursu no uza skills atu Hanorin no pratika iha sala laran, hau sente entusiasmo no hau hakarak professor sira hanorin diak liu tan, maibe hau precisa ajuda atu dezemvolve sira nia skill no iha rekursu atu uza classe ho mestri sira.
Iha fatin hanesan Dr. Robert mos hateten katak “Professor sira hetan esperiensia foun ne’ebe hanorin husi matenek nain Sr. David  no iha diferente level ida ne’ebe Iha combinasaun bar-barak no Hanoin ida ne’e diak tebes”
Materia ne’ebe sira fahe durante loron rua maka sira esplika kona ba konseptu ba processu fotossintese, koalia mos importansia fotossintese ba ema hotu iha mundo, no importante mos iha timor Leste tamba aihan no aihoris sira ne’e presija loron matan atu produz nia fotosintese,sira mos  fahe hanoin  ba mestre sira ne’ebe aduca alunos sira, atu educa labarik iha timor leste ba futuro ho  diak.
Durante iha formasaun ne’e nia laran sira la hasoru difikuldade nebe bot, maibe tempu mak limitado tebes ba sira "ami la halo buat barak, ami hakarak por azemplu ami tama iha sala laran no hare mestre sira hanorin iha sala laran, observa no fo suporta ba sira. Maibe ami la halo ida ne’e tamba tempu mak la too mai ami” tenik Sr. David
Tuir professor  Virginia Maia dos Santos hanesan professora Biologia husi Escola Secundária Ave Maria Suai (ESCAM), ne’ebe hanorin 10.ano – 20. haktuir dehan “ho formasaun ne’e halo ami sente kontente, tamba materia ne’ebe mak durante ami hanorin iha ami nia eskola la iha pratika, maibe wainhira ami tuir formasaun Sr. David ho Dr. Robert hanorin ami halo pratika, ho ida ne’e halo ami bele dezemvolve materia ne’ebe mak iha sai diak liu tan. Durante loron rua ami aprende materia kona ba sistema respiratorio, fotossintese, sistema circulatorio, depois kona ba DNA. Materia sira ne’e la foun mai ami,maibe tamba agora ho pratika entaun ami sente hanesan materia sira ne’e foun mai ami” professora ne’e mos hatutan tan katak Nia sei aplika fila fali saida mak nia aprende durante loron rua ba Nia alunos sira, atu sira bele aprende ho di’ak liu tan.Iha mos professor ida ho naran Antonio Guterres, professor da Biologia, husi Ensino Secundário IHMS Tibar, ne’ebe hanorin 10. ano – 30. ano secundario hatete katakDurante ami tuir fomasaun loron rua nia laran ami hetan esperiensia foun, aumenta tan ami nia kapasidade atu aplika materia sira ne’e iha sala laran, tamba durante ami hanorin iha ami nia eskola, iha materia balu ne’ebe maka ami hetan tia ona no materia balu maka ami seidauk hetan, tamba ne’e liu husi formasaun loron rua ne’e ami bele esforsu an nafatin para ami bele aplika iha ami nia eskola”. Materia ne’ebe ami aprende duranten formasaun, ne’e ami hetan hotu ona maibe atu haklean liu tan liliu kona ba pratika no didatika kona ba hanorin ou estrategia hanorin, dala barak estrategia ne’e ami hetan hela deit maibe nia difikuldade ne’e maka fasilidadaes balu laiha, pratika seluk ne’ebe ami hetan maka kona ba Vulcanicu no oinsa maka bele fahe continente sira ne’e”. professor ne’e hatutan tan katak wainhira fila husi fatin ida ne’e sira sei implementa materia ne’ebe maka sira hetan iha fatin formasaun ne’e ba alunos sira, liliu kona ba materia pratik tamba materia pratika ne’ebe maka siar hetan husi Dr.Robert ho Sr.David ne’e simples tebes tamba ne’e bele halo alunos sira iha konhesimentu kona ba materia sira ne’e. 














Senin, 10 Oktober 2016

HARII KOOPERASAUN HO UNIVERSITAS KATOLIK WIDYA MANDIRA (UNWIRA) HODI ASSINA NOTA DE ENTENDIMENTO (MOU) ENTRE FUNDAÇÃO SAGRADO CORAÇÃO DE JESUS MALIANA HO UNWIRA KUPANG, IHA LORON DIES NATALIS UNWIRA KUPANG BA DALA 34, DIA 24 DE SETEMBRO 2016

Kooperasaun ida nee mais importante ba Fundação iha futuru. UNWIRA hanesan Instituisaun Catolika ida nebe moris ona iha tinan barak nia laran, nakonu ho esperensia nebe dinamiku tebes.
Iha discursu nebe hato'o husi Reitor UNIKA, Pe.Julius, SVD., dehan katak: UNIKA prontu atu fo apoio ba Fundação Sagrado Coração de Jesus da Diocese de Maliana iha parte formasaun humana no didatika nian ba professor sira, tulun kaderizasaun ba estaf Fundação nian, e iha parte seluk atu tulun organiza oinsa Fundação iha futuru bele metin hanesan Instituisaun ida nebe atende nesesidades Eskolas Catolika da Diocese de Maliana ninian. iha tempo hanesan Amo Reitor ekspresa ninia sentimentu solidariedade profundo ba Colégio Maliana nebe uluk iha tinan hirak liu ba hanesan diretor iha escola Colégio Maliana ninian. "Colégio sempre hela iha Hau nia fuan", Nia akresenta liu tan antes remata nia discursu.
Iha fatin hanesan diretor Yayasan Arnold Janssen, Pe.Greogorio Neonbassu, SVD. haksolok tebes ho servisu de parseria ida nee. Nia sei hakas an tebes atu tulun Fundação Sagrado Coração de Jesus liu-liu iha parte kaderizasaun rekursus ba futuru.
Ikus liu discursu husi Prezidente Fundação Sagrado Coração de Jesus Pe. Natalino VdS Gama, nebe hato'o agradecementu no hakoak bo'ot husi Amo Bispo da Diocese de Maliana nian ba familia boot UNWIRA nebe celebra  Aniversario ba dala 34 UNWIRA Kupang. Aumesmo tempo Amo Natalino dehan tan katak ami mai atu estuda no ku'u valores edukasaun Catolika husi UNIKA nebe moris kleur hanesan instituisaun edukasaun Catolika ida. Dala ida tan parabens, parabens e parabens ba familia boot UNWIRA Kupang nebe ohin selebra nia  aniversario ba tinan - 34.