Rabu, 31 Agustus 2016

Sorumutu entre Prezidente Fundação Sagrado Coração de Jesus Maliana ho Parseria Ministério da Edukasaun Timor - Leste


Quarta Feira 31/Agusto/2016 Prezidente Fundação Pe.Natalino  ho Secretario Geral Fundação Sr. Fridolino hala’o Sorumutu ho diretur parseria Ministério da edukasaun Timor Leste Sr. Alfredo iha Fundação Sagrado Coração de Jesus Maliana. Objectivo husi Sorumutu ida ne’e primeiro koalia kona ba Memorandum Of Understanding (MOU) ne’ebe maka Conectil halo ona hamutuk ho Governo Timor – Leste iha tinan hirak liu ba no koalia mos kona ba assunto parseria entre Fundação ho Governo no Parseria sira seluk. Segundo maka koalia kona ba implementasaun husi MOU ne’ebe hetan difikuldade iha asunto tekniko relasiona ho Edukasaun, no ikus liu koalia mos kona ba Merenda eskolar iha eskola hotu ne'ebe maka hamahan an iha Fundação nia okos.



Selasa, 23 Agustus 2016

FSCJ lansa eskola Pré-eskolar Nossa Senhora de Lourdes Biacou



Sorumutu entre sekretario Jeral fundasaun ho Xefe-Suku Aidaba-leten, Xefe-Aldeia Biacou ho Professor sira husi Biacou kona ba programa abertura Pre-escolar

Maliana - Secretario geral FSCJ Fridolino G. Soares  halo lansamentu ba eskola pré-eskolar Nossa Senhora de Lourdes Biacou tamba tuir proposta ne’ebe governu simu husi komunidade biacou katak komunidade sira hakarak atu loke tan eskola pré-eskolar iha biacou, nune’e governo aprova duni proposta hirak hodi apoio kedas osan merenda eskolar tuir numeru estudante no oras ne’e dadaun osan hirak ne’e tama ona iha FSCJ. Tamba ne’e maka FSCJ nia kompetensia atu hare kona ba eskola hirak ne’e hodi hala’o lansmentu ba eskola refere no fahe ona osan merenda eskolar ba eskola refere. Lansamentu ne’e hala’o iha EBC. Biacou, segunda (22/08/2-16).
Tuir Secretário Geral Fridolino hateten katak FSCJ tenki lansa ona eskola iha fatin ida ne’e no harii ona edifisiu eskola foun iha tempu badak nia laran tamba tuir proposta ne’ebe maka komunidade sira hato’o ba governu katak sira iha inisiativa atu loke eskola foun e governu aprova duni proposta hirak ne’e hodi apoio kedas osan merenda eskolar ba eskola refere.
“Ha’u hakarak dehan deit katak agora ita koalia liu kona ba oinsa maka atu bele lansa ona eskola Pré-escolar iha fatin ida ne’e no hari’i ona Edifisiu eskola foun iha tempu badak nia laran tamba proposta ne’ebe maka hato’o husi komunidade sira husi Biacou, ne’ebe maka  iha inisiativa atu loke Ensino Pré-escolar foun ne’e hetan ona aprova husi governu no agora dadauk Governo  mos apoio ona orsamentu merenda escolar no orsamentu hirak ne’e tama ona iha Fundação Sagrado Coração de Jesus Maliana.
Nia hatutan tan katak iha loron 16 fulan Agostu liu ba diretor jeral ensino baziku St. Arnold Janssen Simão Laku Suli hato’o informasaun ba prezidente FSCJ Pe. Natalino katak governu aprova ona proposta atu loke eskola pre-eskolar iha biacou, e prezidente mos aseita no dirije Nia reprezentante atu halo ona lansamentu ba eskola refere.
 “Iha dia 16 de Agostu liu ba diretor jeral ensino básico St. Arnold Janssen Simão Laku Suli hato’o informasaun ba prezidente Fundasaun katak proposta ne’ebe komunidade hato’o ba  governu aprova, no prezidente koalia kedas mai ha’u katak se proposta governu aprova ona entaun ita ita tenki lansa ona eskola  ne’e no harii ona edifisiu foun ba ensino pré-escolar tamba osan merenda eskolar mos tama ona mai, se ita la harii eskola ne maka ita tenki fo fila fali Governu nia osan” dehan Secretario FSCJ.
Nia afirma  liu tan katak  proposta ne’ebe komunidade husi biacou halo sees ona husi prosedimentu ne’ebe hatuur iha estatutu fundasaun nian, tamba wainhira atu loke eskola foun ida sempre iha ekipa ida tun ba fatin refere hodi halo estudu viabilidade atu hare didiak fatin ida ne’e bele duni hari’i eskola, se rezultadu husi estudu viabilidade ne’e hatudu katak bele harii eskola iha fatin ne’e maka, fscj foin hato’o karta rekomendasaun husi amo Bispo, no bazeia ba despacho husi amo Bispo maka foin bele hato’o proposta ba governu, atu nune’e bele justifika no garante katak fatin ne’e bele dunia tu loke eskola.
“Proposta ne’ebe halo sees ona husi prosedimento ne’ebe hatuur iha ita nia estatuto rasik. Babain kuando atu loke eskola, iha ekipa ida tun ba fatin refere, hodi halo estudo viabilidad (estudi kelayakan) katak fatin nee merese duni atu aumenta tan eskola ka lae, e depois bazeia ba sira nia rezultado estudo maka ami halo carta rekomendasaun ida ba Amo Bispo no bazeia ba despacho ne’e maka ita foin hato’o proposta ba Governu katak ami atu loke tan eskola, atu nune’e ita bele justifika wanhira Governu husu razaun saida maka ita loke eskola ne, ita iha tiha ona estudu viabilidade ne’ebe atu justifika ba sira atu garante katak fatin ne’e merese duni loke eskola. Maibe tamba Fundasaun iha ona komitmentu bo’ot katak Fundasaun rekoñese no konsidera ita bo’ot sira nia esforso an atu hari’i eskola ida ne’e no ida ne’e Fundasaun kontente tebes” hateten sekretario ne’e.
Iha fatin hanesan xefe suku Aidaba-leten Alberto mos sente kontente no hato’o nia agradese ba FSCJ tamba ho laran nakloke bele apoio escola ida ne’e mezmu proposta ne’ebe mak sira hato’o ba governu la iha konhsimentu husi FSCJ. Maibe sira hala’o nafatin sira nia kompetensia hodi tulun nafatin atu harii eskola ida ne’e.
 “Hau hato’o agradese ba Fundação Sagrado Coração de Jesus ne’ebe laran nakloke simu ami nia proposta ao mesmo tempu hatutan proposta ba Nasional e aprova to’o ohin loron hetan rezultado ne’ebe pozitivu teb-tebes entaun hatudu sinal pozitivu ida liliu mai ita inan-aman para atu kria kooperasaun diak ba nivel edukasaun, atu dudu ita nia oan sira liu husi eskola ida ne’ebe maka fundasaun atu loke maka ensino pre-escolar”.
Nia  mos hatutan tan katak politika ne’ebe maka governu kria no politika ne’ebe maka fundasaun kria ne’e tulun tebes ita iha setor edukasaun, nebe’e ejiji ita inan aman sira, atu fo kontribuisaun nebe pozitivu. Edukasaun tenke sai hanesan fotores determinante no  prioridade ba dezemvolvimentu iha ita nia rain e  nasaun. Governu bele kria politika ba dezemvolvimentu bar- barak maibe se laiha rekursu umanu diak, ita sei la atinji buat nebe ita mehi ba ita nia rain.
Iha programa ida ne’e marka mos prezensa husi Secretario xefe-aldeia Biacou, koordenador da escola, Professor sira husi Ensino Básico Biacou no Inan Aman sira hotu.