Jumat, 24 Juni 2016

Inagurasaun Eskola Ensinu Baziku Central St.Agustinho Paroquia Bobonaro


 
Tesi fita husi Sua Excelencia Ministro da Edukasaun  Sr. Antonio Akompnha ho Presidente Fundasaun Pe. Natalino
Iha loron Sabado 28/5/2016, Paroquia Bobonaro realiza Inagurasaun ba Ensinu Baziku Sentral Catolica St. Agustinho iha Paroquia St. Imaculada da Conceisaun Bobonaro, iha atividade ida ne’e konvida mos Sua Excelencia Ministro Educasaun  Sr. Antonio da Conseicao no  Prezidente Fundacao Sagrado Coracao de Jesus Pe. Natalino VdS Gama, komunidade inklui Alunos husi escola Catolica Hauba ho Escola Catolica St. Agustinho ne’e rasik. Atividade inagurasaun ida ne’e hahu ho missa Agradecimento ne’ebe preside husi Pe. Natalino no akompanha husi Pe. Pedro no Pe. Carlos. Depois de missa continua halao atividade hanesan discurso husi Sua Excelencia Ministro Educasaun Sr. Antonio da conceicao ho nia mensagem badak ba Alunos hotu, mensagen husi Prezidente Fundacao Sagrado Coracao de Jesus Pe. Natalino VdS Gama no Director do Ensino Secundario Catolica St. Agustinho Pe. Pedro, atividade seluk tan mak animasaun dansa tradisional husi alunos Ensino Baziku Sentral St. Agustinho no Halo mos jogu final, hodi fo premio ba manan nain sira ne’ebe maka manan iha competisaun jogu final ne.
Descurso ou menssagem ne’ebe mak hato’o husi Sua excelencia Ministro da Edukasaun Sr. Antonio da Conceição katak edukasauun importante ba labarik sira atu sira bele dezemvolve sira nia an iha futuro oin mai, sua excelencia mos hato’o agradese ba Director do Ensino Secuncario St. Agustinho Pe. Pedro tamba bele dezemvolve escola ne’e ho dia’k no halo tuir duni nia comprimisso ne’ebe mak nia hatete katak eskola ne sei remata iha tinan ida ne, no iha tinan ida ne’e ita bele hare’e ona escola ne’e  nia rezultado. Nia hatutan tan katak escola ne’e sei sai  diak liu tan se wainhira ita rasik mak kuidadu.
Menssagem husi Presidente Fundasaun Pe. Natalino VdS Gama katak edukasaun ne’e ita bele fahe ba parte rua mak Edukasaun Formal ho Edukasaun Non-Formal. Edukasaun formal katak edukasaun ne’ebe Hetan transferensia husi Profesor ba Estudante siar ou edukasaun ne’ebe mak labarik sira aprende/hetan iha eskola husi professores sira, no  Edukasaun Non-Formal katak Edukasaun ne’ebe mai husi valor da vida ou Edukasaun ne’ebe mak labarik sira hetan husi Aman/Inan, tamba ne’e mak Edukasaun rua ne’e tenki lao ho balanso, labele fo todan deit ba Professor sira maibe Inan/aman mos tenki hanorin sira nia oan rasik, Pe. Natalino hatutan tan katak Fundasaun sei la taka matan ba Escola Catolica sira hotu no sei ajuda atu dezemvolve Escola sira ne hotu. Ikus liu menssagem husi Pe. Pedro hanesan Director do Ensino Secundaria Catolica St. Agustinho hato’o agradece ba Governo liu husi Ministro Edukasaun bele ajuda hari’i edifisio eskola foun ba Alunu sira. Husi biban ida ne’e Padre mos hatutan tan katak sira sei precisa tan edifisio eskola  foun ba Ensino Secundaria Catolica, tamba fatin ne’ebe mak aluno sira uza hodi halao’o processu aprendijazem  ne’e att ba dadauk ona.