Senin, 26 Desember 2016

Prezidente FSCJ Pe. Natalino ho Repezentante husi Cogregasaun Escravas do Sagrado Coração de Jesus Bazartete (ACI) Ir. Ines Oleaga Castellet, assina termo de contrato ho Diocese Maliana, objetivu husi assina kontratu ida ne’e hodi bele tau matan ba Eskola EBC. 10 & 20 siklu São João de Brito Bazartete,termo de contratu ne’e ho durasaun tempu tinan sanulu (10), atividade assina akordu ne’e hala’o iha estasaun Missionaria S. Francisco Xavier Bazartete, iha loron sexta, 22 /12 / 2016.





Estudante finalista 161 tuir formasaun iha COISMA

Maliana – Estudante finalista hamutuk 161 husi escola catolica diocese maliana hanesan escola colegio infante de sagres maliana (COISMA), escola secundaria ave maria suai (ESCAM) no escola secundaria são joão brito likisa tuir formasaun ne’ebe hala’o husi professores husi COISMA rasik no dosente UNTL iha COISMA durante semana rua.
Objectivu husi formasaun ida ne’e hanesan segundu programa pilotu ida, ne’ebe mak organiza husi fundasaun sagradu coração de jesus (FSCJ) nune’e bele prepara di-diak estudante sira nia moral no mentalidade atu sira bele adapta an wainhira sira tama universidade.
Tamba ne’e atu hametin liu tan sira nia relasaun diak entre estudante sira  no husi formasaun ida ne’e mos bele hametin liu tan relasaun diak entre estudante sira director COISMA hanesan mos prezidente FSCJ Pe. Natalino VdS Gama fo naran ba finalista tinan 2016 ho naran ONE SIX ONE katak sira kolega para sempre ne’ebe mai husi escola katolika diocese maliana. Formasaun ikus liu hala’o iha salaun sagradu corasaun iha loron sabadu 23/12/2016.








Senin, 12 Desember 2016

Seremonia despedida ba Me. Helen Nolen


Maliana -  Reprezentante husi Sister of Mercy Project iha Timor Leste Me. Helen Nolen ne’ebe durante tinan sanulu resin rua (12 ) hala’o nia missaun iha Diocese maliana hodi tulun eskola Católica hanesan Pre-eskolar balu hodi bele ajuda eskola hirak ne’e, maibe Nia tenki remata ona nia missaun ida ne’e hodi bele hala’o fali missaun iha fatin seluk. Tamba ne’e maka iha seremonia despedida ba Me. Helen hala’o  iha salaun Sagrado Coraçã de Jesus Maliana.
Amo Bispo Diocese Maliana Dom Norberto Amaral hatete katak Seremonia despedida ida ne’e hanesan mos kalan despedida ba Me. Helen no Dom Norberto mos hato’o agradese ba Mercy Works ka Sister of Mercy ne’ebe bele oferese sira nia membru hodi bele mai servisu iha Diocese ida ne’e durante tinan barak nia laran.
“Seremonia ida ne’e hanesan kalan despedida ba Me. Helen Nolen atu husik ona Rai Timor liliu Diocese Maliana hodi kontinua fali nia missaun iha Nasaun seluk, tamba  ne’e aproveita oportunidade ida ne’e hodi Diocese nia naran ha’u agradece tebes ba Congregasaun Mercy Works ne’ebe oferese sira nia membro mai servisu iha Diocese ida ne’e, durante tinan sanulu resin rua iha nia laran” hatete Amo Bispo Dom Norberto Do Amaral iha salaun Sagrado Coração de Jesus, Tersa (05/12/2016).
Amo Bispo mos hateten tan katak Nia agradese wain tebes ba Congregasaun Mercy Works ne’ebe laran diak no laran luak bele haruka sira nia membru mai atu bele  hala’o servisu, hahu husi Suia  - Fohorem to’o mai iha Maliana, maske ho distansia ne’ebe maka do’ok no tun sae foho maibe konsege harii Pre-eskolar iha Fohorem, Pre-eskolar Dato – Rua, Pre – eskolar Ai-Toos, Pre – eskolat Fatuk Lulik, Pre-eskolatr Atabae no Pre-eskolar sagradu coração de Jejus Maliana.
“Agradese wain tebes tamba Congregasaun Mercy Works oferese ema  ida ne’ebe laran diak, laran luak mai ita nia Diocese durante tinan barak Nia bele hala’o servisu  to’o agora, hahu husi Fohorem too iha Maliana, bele tun Foho sae foho, no konsege estabelese harii pre-eskolar balu iha Diocese ida ne’e. hanesan Pre-eskolar iha Fohorem, Pre- eskolar Dato-Rua, Pre- eskolar Ai-Toos, Pre- eskolar Fatuk-Lulik, Pre-eskolar Atabae no Pre-eskolar Sagrado Coração de Jesus Maliana, no fatin seluk ne’ebe tama ona ba planu atu harii tan pre-eskolar. Ema ne’ebe iha espiritu makaas no boot tebes i aten boot atu hala’o servisu ne’e  tan deit domin ba Rai Timor ida ne’e.”
Ikus liu Amo Bispo husu nafatin ba Mercy Works atu Mantein no Hala’o nafatin sira nia servisu hodi tulun pre-eskolar hotu iha Diocese Maliana.
Seremonia ida ne’e mos partisipa husi Amo Paroko Maliana Pe. Valerio Gusmão, Prezidente Fundação Pe. Natalino no Staf Fundação hotu, Me. Superiora husi Congregasaun Mercy Works  Australia, Professor sira husi Pre-eskolar Sagrado Coração ho sira nia estudante, Pre- Eskolar Fohorem, Inan - Aman sira, estudante husi Colégio Maliana.
“Me. Helen: buat ne’ebe ha’u halo fo Gloria ba Maromak, ba Jerasaun foun no mos ba labarik sira”
Liafuan ne’e hatete husi Me. Helen wainhira nia hato’o nia liafuan agaresimentu badak ba ema hotu ne’ebe mak ajuda no suporta Nia durante nia hala’o servisu iha Timor Leste, nia mos hato’o agredese bo’ot tebes ba sira nia Cogregasaun Mercy Works ne’ebe mak fo fiar ba Nia hodi bele hala’o Nia missaun iha TL iha tinan naruk nia laran, ba komunidade fohorem ne’ebe ajuda ona nia kona ba lian tetun wainhira Nia la hatene.
“Ha’u hela iha Timor durante tinan Sanulu resin rua ona (tinan 12) ne’e tempu ne’ebe naruk no barak tebes, agradese ba Nai Maromak ba Grasa bo’ot ne’ebe Ha’u simu iha Timor, ba kolega sira ne’ebe maka akompanha Ha’u nia viagem no suporta Ha’u ho orasaun boot no financial ba servisu hotu ne’ebe halo durante ne’e. Agredese mos ba madre sira husi congregasaun Mercy Works.
Agradese boot ba komunidade iha Fohorem, iha tinan 2005 Ha’u labele koalia tetun, maibe sira ajuda Ha’u ho pasiensia bo’ot, obrigado wain ba sira hotu husi Fohorem Dato-Rua, Ai-toos no fatu-Lulik no fatin oi-oin iha Parokia Fohorem. Buat  hotu ne’ebe Ha’u halo fo Gloria ba Maromak, ba jerasaun foun sira no mos ba labarik sira”.
Ikus liu Nia mos hatutan tan katak missaun ne’e Maromak nia missaun no Maromak mak konvida ita atu hola parte iha missaun atu ita bele hatudu Maromak nia reino, domin, dame, justisa no laran luak, tamba ne’e ida- idak simu nia planu  no fahe Maromak nia domin ba ema hotu.
“Ita hotu hatene katak Missaun ne’e mak maromak nia missaun no mos Maromak mak konvida ami atu hola parte iha missaun atu hatudu Maromak nia Reino, Domin, Dame, Justisa no Laran - luak. Ida-idak simu Maromak nia planu  nomos atu fahe maromak nia Domin ba ema hot
Ha’u mos husu perdaun ba ita boot sira ba tempu barak karik liafuan la kona imi nia laran, Ha’u halo balu triste, moe Ho haraikan Ha’u husu Deskulpa . Ikus liu atu dehan deit katak imi hotu husi Diocese Maliana, imi hotu husi  Rai Timor sempre iha Ha’u nia fuan no Ha’u labele haluha ita boot sira” .

 









Rabu, 12 Oktober 2016

Professores voluntario Catholic Education Darwin hala’o formasaun ba professores escola Católica Diocese Maliana durante loron rua



Maliana – Professores voluntario husi Catholic Education Darwin hamutuk ema nain sanulu resin rua (12) hala’o formasaun ba professores hamutuk 100 husi escola Catolica Diocese Maliana. Material ba iha formasaun loron rua nian mak hanesan jogo literasia, jogo matematika/ numerasun, jogo oinsa atu hanorin labarik sira le’e ho didiak no jogo  kona ba leadership. Formasaun ne’e hala’o iha salaun SCJ Maliana, quarta (4/10/16).
Objetivu husi formasaun ne’e maka oinsa bele halo mestri hotu iha kreatividade, no wainhira hanorin iha sala laran tenki uza jogos oi-oin atu anima estudante/Labarik sira,  nune’e sira bele iha vontade no kontente atu aprende ho di’ak.
Tuir Professor Jefry husi Diocese Darwin hateten katak aprendizazem ne’ebé maka diak tenki leberta labarik sira mai husi  jogos oi-oin atu sira bele iha vontade no kontente iha sala laran nune’e bele halo sira akapta lalais materia hirak ne’ebé ita hanorin, jogos hirak ne’e tenki ligasaun ho materia, liu – liu ba sira ne’ebé hanorin iha pre-eskolar no ensinu baziku 10 – 30 siklu, tenki hanorin ho jogos oi – oin ne’ebé iha ligasaun ho materia nune’e bele halo labarik sira bele akapta lalais saida mak ita hanorin ba sira.
 “Aprendizazem ne’ebé diak tenki liberta  labarik sira aprende duni husi jogos oi – oin nune’e sira bele iha vontade atu aprende ou akapta lalai saida mka ita hanorin.
Hanesan siar iha pre-eskolar no ensino baziku 10 - 30 tenki hanorin sira jogos barak ne’ebé ligasaun ho material atu labarik sira akapta lalais husi materia ne’ebé mak ita hanorin” dehan Professor Jefry.
Nia hatutan tan sira husi Darwin mos sente kontente tamba professores ne’ebé tuir formasaun iha duni pasiensia no vontade diak atu aprende jogos hirak ne’e no bele tuir programa ne’e to’o remata, tamba iha professor balu ne’ebé mak hela dook hanesan Suai - Covalima maibe sira marka prezensa hodi tuir formasaun ne’e.
“Obrigado barak tamba iha mestri balu ne’ebé maka dook hanesan Suai maibe sira iha corazem nafatin hodi bele tuir treinamentu ida ne’e. obrigada mos ba imi nia hamnasa midar sira ne’e, Ha'u espera wainhira imi fila husi fatin ida ne'e, bele hala'o imi nia aktividade iha sala laran hodi hanorin labarik sira, hanesan ami hanorin ita bo’ot atu halimar jogos iha formasaun ne'e.
No ha’u hakarak dehan deit katak liu husi imi nia hamnasa, liu husi imi nia esperiensia ne’ebé imi fahe hotu ho ami, ida ne’e mos hanesan lisaun ne’ebé ami aprende husi imi” hateten Professor Jefry.
Ikus liu Nia mos hato’o obrigado no agradese ba ekipa tomak ne’ebé maka organiza buat hotu – hotu ba formasaun durante loron rua.
Liu husi Formasaun bele loke tan professor sira nia hanoin nune’e bele komprende didiak sira nia knar hanesan professor
Prezedenti FSCJ Pe. Natalino VdS Gama heteten katak Nia agradese wain tebes ba Diocese Darwin, ba professor sira, ne’ebe maka marka prezensa durante loron rua hodi komleta formasaun refere, tamba formasaun ne’e bele tulun tebes professor sira atu bele iha ideia diak no iha hanoin, nune’e bele komprende diak sira nia kna’ar hanesan professor.
“Uluk nanain Hau agrdese e obrigado barak ba ekipa Diocese Darwin,  ba professor sira, estudante husi COISMA ho ESCAM. Agradese ba ita bo’ot sira nia presence ne ‘ebe tulun tebes professor sira iha ne’e atu bele iha ideia ida dia’k no iha neon ne’ebe luan liu tan atu komprende kona ba sira nia knar.
Diocese Maliana kiik liu husi Diocese Darwin rasik tamba ne’e ho ita bo’ot sira nia prezensa iha ne’e bele tulun ami atu sai bo’ot iha futuru”.
Ikus liu Prezidente FSCJ hodi Amo Bispo Diocese Maliana Dom Norberto do Amaral nia fatin hato’o  agradese ba Amo Bispo Diocese Darwin Bispo Eugenny no mos ba Sra. Michaela tamba bele haruka sira nia membru mai tulun professor sira iha fatin ida ne’e, Pe. Natalino mos hato’o ami nia comprimentos no hakoak bo’ot ba amo Bispo no sra. Michaela no kolea sira iha Diocese Darwin nian.”
Reprezentante husi Ekipa Diocese Darwin nian Sr. Jefry mos hato’o lia fuan badak ba ema hotu katak sira orgulho bo’ot tebes tamba hola parte iha fatin ida ne’e “nu’udar timor oan tenki orgulho tamba imi iha kultura Ida deit, hau admira tamba imi bele rai no lori imi nia kultura ho diak to’o di’ak agora. Iha Australia ami iha kultura ne’ebe oi – oin no barak husi fatin hotu-hotu, maibe buat ne’ebe hau nota iha Darwin ne’e rasik katak imi Timor oan barak ne’ebe mak iha ne’eba sei kaer nafatin imi nia kultura iha ne’eba, tamba ne’e imi tenki orgulho sai timor oan duni”. Nia mos dehan tan katak Ida ne’e hanesan primeira vez ba sira oinsa atu troka cultura husi fatin ida ba fatin seluk. Nia agradese ba ema sira ne’ebe importante tebes ne’ebe maka realiza duni Formasaun iha loron rua hanesan Pe. Natalino ho ekipa tomak, sira ne’ebe maka ajuda translate iha loron rua nia laran, ba mestri sira ne’ebe maka prepara alunos sira atu bele apresenta iha kalan ida ne’e, orgulho bo’ot teb-tebes no previlegio tamba sira bele hare’e buat ne’ebe maka sira nunka hare iha fatin seluk tamba la iha ema ne’ebe atu organiza hanesan ne’e, entaun ne’e hanesan buat ida ne’ebe furak tebes  atu bele sira bele hare’e.




















Kalan kultura ne’ebe hala’o husi COISMA ho ESCAM hanesan agradesimentu ba professores sira husi Diocese Darwin
Atividade kalan kultura ne’ebe hala’o husi escola colegio infante de sagres maliana (coisma) ho escola secundaria ave maria suai (escam ) hanesan simbolu amizade entre fundasaun sagrado coracao de jejus Maliana (FSCJ) ho diocese darwin no mos bele kria relasaun diak entre professor sira iha escola catolica nia laran. Tamba ne’e maka professor ho alunus sira iha inisiativa rasik hodi halo atividade ida ne’e. atividade ne’e iha dansa kultura hanesan bidu likurai, dansa modernu no diskursu ne’ebe hala’o husi estudante ESCAM no iha mos kanta musica balu husi estudante COISMA.