Senin, 26 Desember 2016

Assina termo de Contarto entre Diocese Maliana ne’ebe Reprezenta husi Prezidente Fundasaun Sagrado Coração de Jesus Maliana (FSCJ) Pe. Natalino VdS Gama ho Congregação Escravas do Sagrado Coração de Jesus Bazartete (ACI) reprezenta husi Ir. Ines Oleaga Castellet hodi tau matan ba Escola EBC. 1&2 Ciclo SJB Bazartete. Iha estação Missionaria S. Francisco Xavier Bazartete ho Durasaun tempo tinan 10. Hahu husi Dia 22-12-2016 too remata





Formasaun ba estudante Finalista husi Escola Colégio Infante de Sagres Maliana, Escola Ave Maria Suai no escola Secundária Liquiça



Number one six one, mai husi númeru estudante finalista husi Escola Secundária Católica da Diocese de Maliana ne’ebe mak tuir formasaun (161 estudante) durante semana rua nia laran iha Colégio Infante de Sagres Maliana. Formasaun ida nee hanesan segundo programa pilotu ida nebe mak Fundação Sagrado Coração de Jesus (FSCJ) organiza oinsa prepara hela estudante finalista sira nia moral no mentalidade atu ba moris iha fatin Universidade. Atu hametin liutan sira nia relasaun, ami hamosu Númeru 161/ONE SIX ONE, ne’ebe sei fo hanoin nafatin sira katak sira colega para sempre nebe mai husi ESCOLA CATÓLICA DIOCESE DE MALIANA NIAN.








Senin, 12 Desember 2016

AMI AGREDESA BA DOMIN NO DEDIKASAUN TOMAK HUSI ME. HELEN NOLEN



Iha dia 5-Dezembro -2016 kalan hala’o seremonia despedida ba Me. Helen Nolen ne’ebe remata ona nia missaun iha Timor – Leste. Seremonia ida ne’e partisipa husi Bispo Diocese Maliana Dom Borberto do Amaral, Amo Paroko Maliana Pe. Valerio Gusmão, Prezidente Fundação Pe. Natalino no Staf Fundação hotu, Me. Superiora husi Congregasaun The Mercy  Australia, Professores Husi Pre-eskolar  Sagrado Coração  ho Fohorem, Inan-Aman sira, estudante husi Colégio Maliana no mos estudante husi pre-eskolar Sagrado Coração de Jesus Maliana. Seremonia ida ne’e hala’o ho jantar hamutuk akompanha ho kantikus furak ne’ebe kanta husi estudante Colegio Maliana.
Seremonia ida ne’e hanesan kalan ikus ba Me. Helen Nolen atu husik ona Rai Timor liliu Diocese Maliana hodi kontinua fali nia missaun iha Nasaun seluk “Kalan ida ne’e hanesan kalan despedida ba Me. Helen, aproveita oportunidade ida ne’e hodi Diocese nia naran agradece tebes ba Congregasaun Mercy Works ne’ebe oferese sira nia membro mai servisu iha Diocese ida ne’e durante tinan sanulu resin rua iha Diocese ida ne’e” tenik Amo Bispo Dom Norberto Do Amaral.
Amo Bispo mos dehan tan katak agradese wain  tebes tamba Congregasaun The Mercy oferese ema  ida ne’ebe laran diak, laran luak mai ita nia Diocese durante tinan barak Nia bele hala’o servisu  to’o agora, hahu husi Fohorem too iha Maliana, bele tun Foho sae foho, no konsege estabelese harii pre-eskolar balu iha Diocese ida ne’e hanesan iha Fohorem, Dato-Rua, Ai-Toos, Fatuk-Lulik, Sagrado Corasaun De Jesus Maliana, Atabae, Cailaco no fatin seluk ne’ebe tama ona ba planu atu harii tan pre-eskolar. Ema ne’ebe iha espiritu makaas no boot tebes i aten boot atu hala’o servisu ne’e  tan deit domin ba Rai Timor ida ne’e. Ikus liu Amo Bispo husu nafatin ba Mercy Works atu Mantein no Hala’o nafatin sira nia servisu hodi tulun pre-eskolar hotu iha Diocese Maliana.

LIAFUAN BADAK HUSI ME. HELEN NOLEN IHA KALAN DESPEDIDA
Agradese ba Amo Bispo Dom Noberto do Amaral ne’ebe maka ho laran kamaan marka prezensa iha fatin ida ne’e, Ha’u nia Congregasaun Sisters of Mercy Madre Aylin, Madre Moryn Superiora Mercy Works Nian, Madre Rosa Membro Comunidade iha Darwin ne’ebe maka ajuda Ha’u iha buat barak wainhira hala’o missaun iha Timor – Leste. Ba Prezidente FSCJ Pe. Natalino, Amo Paroko Maliana nian Pe. Valerio, alin sira hotu  ne’ebe maka marka presensa iha kalan ida ne’e, sira husi Pre-eskolar Sagrado Coração de Jesus Maliana, husi Colégio ne’ebe maka lori kantiku furak los, ba professores, Inan- Aman no staff sira husi Fundasaun Sagrado Coração de Jesus. Ha’u hela iha Timor durante tinan Sanulu resin rua ona (tinan 12) ne’e tempu ne’ebe naruk no barak tebes, agradese ba Nai Maromak ba Grasa bo’ot ne’ebe Ha’u simu iha Timor, ba kolega sira ne’ebe maka akompanha Ha’u nia viagem no suporta Ha’u ho orasaun boot no financial ba servisu hotu ne’ebe halo durante ne’e. Agredese mos ba madre sira husi congregasaun The Mercy, agradese boot ba komunidade iha Fohorem, iha tinan 2005 Ha’u labele koalia tetun, maibe sira ajuda Ha’u ho pasiensia bo’ot, obrigado wain ba sira hotu husi Fohorem Dato-Rua, Ai-toos no fatu-Lulik no fatin oi-oin iha Parokia Fohorem. Buat  hotu ne’ebe Ha’u halo fo Gloria ba Maromak, ba jerasaun foun sira no mos ba labarik sira. Ita hotu hatene katak Missaun ne’e mak maromak nia missaun no mos Maromak mak konvida ami atu hola parte iha missaun atu hatudu Maromak nia Reino, Domin, Dame, Justisa no Laran - luak. Ida-idak simu Maromak nia planu  nomos atu fahe maromak nia Domin ba ema hotu. Ha’u mos husu perdaun ba ita boot sira ba tempu barak karik liafuan la kona imi nia laran, Ha’u halo balu triste, moe Ho haraikan Ha’u husu Deskulpa . Ikus liu atu dehan deit katak imi hotu husi Diocese Maliana, imi hotuhusi  Rai Timor sempre iha Ha’u nia fuan no Ha’u labele haluha ita boot sira.
 









Rabu, 12 Oktober 2016

PROFESSORES HUSI ESCOLA CATÓLICA DIOCESE MALIANA TUIR FORMAÇÃO IHA SALÃO SAGRADO CORAÇÃO DE JESUS MALIANA, NE’EBE PREZIDI HUSI EKIPA DIOCESE DARWIN DURANTE LORON RUA


Professor besik atus ida (100) husi Eskola católica Diocese Maliana, Municipio Covalima, Liquiça & Bobonaro partisipa formasaun iha salão Sagrado coração de Jesus durante loron rua (Dia 4 de Outubro  - 5 Outubro 2016). Formasaun ne’e realiza husi Professores Diocese Darwin nian hamutuk 12, topiku ne’ebe sira fahe iha formasaun ne’e maka Jogo literasia, Jogo Matemátika/Numerasaun, Oinsa atu hanorin labarik le’e ho dia’k, Leadership. Jogo sira ne’e barak liu ba Professor sira ne’ebe hanorin Pré-escolar no ensino Básico. Sira fahe partisipantes ne’ebe tuir  formasaun ba grupo 4 atu aprende kona ba jogo sira ne ‘e no ekipa husi Diocese Darwin mos tama hotu iha grupo 4, atu bele fo formasaun ba partisipantes sira, sira halo rotasaun ba jogo  ne’e atu partisipantes husi formasaun ne'e bele aprende hotu. Objetivo husi formasun maka atu halo mestri hotu iha kreatividade, wainhira hanorin iha sala laran tenki uza jogos oi-oin atu anima estudante/Labarik sira,  atu bele iha vontade no kontente atu aprende ho di’ak. “aprendizazem atu liberta  labarik sira aprende duni husi halimar” dehan Professor Jefry husi Diocese Darwin iha nia diskursu.
Partisipantes sira mos sente kontente hodi aprende duni no halo tuir jogo ne’ebe mak fahe husi ekipa Diocese Darwin, maske sira kole tamba tur loron tomak maibe sira iha corazem nafatin atu aprende hotu jogo sira ne’e, maske dalaruma sira ladun akapta diak liafuan balu tamba professores sira husi Diocese Darwin koalia Lian Ingleza maibe iha tradutora nain 4 ne’ebe maka ajuda tradúz ba partisipantes sira.
Professores Diocese Darwin mos sente kontente tamba partisipantes sira iha pasiensia atu aprende jogos hirak ne’e no sira iha vontade di’ak atu bele tuir hotu  programa ne’e to’o remata.
“Obrigada barak tamba iha mestri balu ne’ebe maka dook hanesan Suai maibe sira iha corazem nafatin hodi bele tuir treinamentu ida ne’e. obrigada mos ba imi nia hamnasa midar sira ne’e, Ha'u espera wainhira imi fila husi fatin ida ne'e, bele hala'o imi nia aktividade iha sala laran hodi hanorin labarik sira, hanesan iha ne’e, ami hanorin ita bo’ot atu halimar liu husi imi nia hamnasa, liu husi imi nia esperiensia imi fahe hotu ho ami, ida ne’e mos hanesan lisaun ne’ebe ami aprende husi imi” tenik Prefessor Jefry. Ikus liu sira mos hato’o obrigado no agradese ba ekipa sira ne’ ebe maka organiza buat hotu – hotu ba formasaun durante loron rua.





















REMATA FORMASAUN IHA MOS ATIVIDADE KALAN KULTURA NE’EBE APRESENTA HUSI COLÉGIO INFANTE DE SAGRES MALIANA (COISMA) NO ESCOLA SECUNDÁRIA CATÓLICA AVE MARIA SUAI (ESCAM)
Atu hakmaan kole durante formasaun loron rua ba partisipantes, ekipa Diocese Darwin no ekipa tomak husi Fundação Sagrado Coração de Jesus Maliana (FSCJ), maka kalan ikus husi formasaun ne iha atividade ho naran kalan kultura ne’ebe partispa husi Ekipa Diocese Darwin, Partisipante husi formamasaun loron rua nian, komunidade, estudante no ekipa FSCJ. Aprezentasaun husi atividade ne’e maka hanesan Bidu Likurai, Dansa Kultura, Dansa Modernu no Diskursu husi Estudante ESCAM no Músicas husi COISMA.  Atividade ne’e iha mos liafuan badak Agradesimento husi Prezedenti Pe. Natalin “Uluk nanain Hau agrdese e obrigado barak ba ekipa Diocese Darwin,  ba professor sira, estudante husi COISMA ho ESCAM. Agradese ba ita bo’ot sira nia presence ne ‘ebe tulun tebes professor sira iha ne’e atu bele iha ideia ida dia’k no iha neon ne’ebe luan liu tan atu komprende kona ba sira nia knar.  Amo mos dehan tan katak Diocese Maliana kiik liu husi Diocese Darwin rasik tamba ne’e ho ita bo’ot sira nia prezensa iha ne’e bele tulun ami atu sai bo’ot iha futuro. Ikus liu hodi  Amo Bispo Diocese Maliana Dom Norberto do Amaral nia fatin dala ida tan hau hakarak hato’o  agradese ba Amo Bispo Diocese Darwin Bispo Eugenny no mos ba Sra. Michaela tamba sira bele haruka ita bo’ot sira mai tulun ami iha fatin ida ne’e, hato’o ami nia comprimentos no hakoak bo’ot ba amo Bispo no sra. Michaela no kolea sira iha Diocese Darwin nian.”
Reprezentante husi Ekipa Diocese Darwin nian Sr. Jefry mos hato’o lia fuan badak ba ema hotu katak sira orgulho bo’ot tebes tamba hola parte iha fatin ida ne’e “nu’udar timor oan tenki orgulho tamba imi iha kultura Ida deit, hau admira tamba imi bele rai no lori imi nia kultura ho diak to’o di’ak agora. Iha Australia ami iha kultura ne’ebe oi – oin no barak husi fatin hotu-hotu, maibe buat ne’ebe hau nota iha Darwin ne’e rasik katak imi Timor oan barak ne’ebe mak iha ne’eba sei kaer nafatin imi nia kultura iha ne’eba, tamba ne’e imi tenki orgulho sai timor oan duni”. Nia mos dehan tan katak Ida ne’e hanesan primeira vez ba sira oinsa atu troka cultura husi fatin ida ba fatin seluk. Nia agradese ba ema sira ne’ebe importante tebes ne’ebe maka realiza duni Formasaun iha loron rua hanesan Pe. Natalino ho ekipa tomak, sira ne’ebe maka ajuda translate iha loron rua nia laran, ba mestri sira ne’ebe maka prepara alunos sira atu bele apresenta iha kalan ida ne’e, orgulho bo’ot teb-tebes no previlegio tamba sira bele hare’e buat ne’ebe maka sira nunka hare iha fatin seluk tamba la iha ema ne’ebe atu organiza hanesan ne’e, entaun ne’e hanesan buat ida ne’ebe furak tebes  atu bele sira bele hare’e.